Naceu por iniciativa da Sociedad O Pote de Amigos de las Árboles, fundada en 1926, para construír unha zona destinada á natureza, con exemplares de árbores autóctonas, e para a celebración das festas parroquiais. Entre os seus promotores figuraban moitos emigrantes, residentes en Cuba. En 1933 crearon a Romaría do Pote, a primeira festa gastronómica sen connotacións relixiosas de toda a bisbarra. Tanto o palco, como o poste da iluminación e os ornamentos teñen as cores brancas e azuis, coma a bandeira galega e moi propios da arquitectura indiana.